Ի՞նչ ասել է ընտանեկան նախագիծ

Ընտանեկան նախագծերն ուսումնական գործընթացի արդյունավետ ու կարևոր բաղադրիչն են: Այս նախագծերի արդյունավետությունը հատկապես տեսանելի եղավ հեռավար ուսուցման ժամանակ, երբ սովորողը տանն էր, ծնողն ու ընտանիքի անդամներն էլ` <<դասավանդողները>>: Այս ընթացքում ընտանիքը վերածվել էր ընտանեկան դպրոցի, որտեղ ընտանիքի անդամները սովորողի անմիջական <<ուսուցիչներն>> էին:

Ընտանեկան նախագծերն ընտանիքը անդամների հետ իրականացվող նախագծեր են, երբ ընտանիքի անդամները (անդամը) դառնում են (է) նախագծի անմիջական մասնակից:

Արդյո՞ք ընտանիքի անդամների հետ իրականացրած ցանկացած աշխատանք կարող է համարվել ընտանեկան նախագիծ: Այս հարցին պատասխանելու համար նախ հասկանանք, թե ինչ է նախագիծը։

Նախագծի կարևորագույն բնորոշումներն են․

  • դասավանդողի (ցանկացած մեկի) կողմից առաջարկված տեսանելի խնդրի, պրոբլեմի լուծում
  • սովորողին հետազոտական աշխատանքի, ինքնակրթության մղում
  • տեսանելի, շոշափելի արդյունքի ստեղծում
  • աշխատանք-արդյունքի հանրայնացում

Նախագծային ուսուցման մասին առաջարկում եմ կարդալ

Ընտանեկան նախագիծ կարող է առաջարկել

  • դասավանդողը
  • դասընկերը
  • սովորողը
  • ընտանիքը կամ ընտանիքի որևէ անդամ
  • ցանկացած մեկը

Ինչ է տալիս ընտանեկան նախագիծը.

  • Ընտանիքի անդամները, ներառվելով ուսումնական գործնթացին, մասնակից դառնալով իրենց երեխայի ուսումնական աշխատանքներին, օգնում, աջակից են դառնում սովորողին` նրան փոխանցելով իրենց գիտելիքն ու հմտությունները:
  • Կարող է լինել հակառակը, երբ սովորողն ինքն է նախագծի մասնակիցներին փոխանցում իր իմացածն ու հմտությունները` արդյունքում ավելի լավ <<սովորելով>> դրանք:
  • Ե՛վ սովորողը, և՛ նախագծի մյուս մասնակիցները ձեռք են բերում համագործակցելու, միմյանց կարծիքը լսելու, հաշվի առնելու, համադրել- հակադրելու և այլ կարևոր հմտություններ։
  • Եվ, որ ամենակարևորն է, ընտանիքի անդամները ժամանակ են անցկացնում սեփական երեխայի հետ՝ դառնալով ուսումնական գործընթացի մասնակից։

Ընտանեկան նախագծի արդյունքը կարող է լինել.

  • ընտանեկան թատրոն
  • ընտանեկան հաղորդում, հաղորդաշար
  • ընտանեկան ընթերցում
  • ընտանեկան մարզում
  • ընտանեկան ճամփորդություն
  • ընտանեկան համերգ (երաժշտական կատարումներ)
  • ընտանեկան ամենատարբեր աշխատանքներ` տանը, այգում, …
  • ընտանեկան գովազդ
  • ընտանեկան ցուցադրություն-ցուցահանդես
  • ընտանեկան բեմադրություն-ներկայացում
  • աշխատանքների (աշխատանքային) փաթեթ
  • գիրք (թղթային և էլեկտրոնային)
  • ամսագիր (թղթային և էլեկտրոնային)
  • ընտանեկան ցանկացած մտահղացում, նախաձեռնություն

Նախագիծը կարող է ներկայացվել հետևյալ ձևերով․

  • տեսագրություն
  • ձայնագրություն
  • կենդանի (ֆիզիկական միջավայրում)

Արդյունք-նմուշներ

Արևիկ Ներսիսյան