Նախագծի ժամկետը` փետրվարի 7
Մասնակիցները` սովորողներ, այլ ցանկացողներ
Նկարագրություն
Բառարանային ֆլեշմոբն իրականացնում ենք փետրվարի յոթին՝ Մխիթար Սեբաստացու ծննդյան օրը։ Աշխատանքները կարող են սկսվել օրվա սկզբից և ձգվել մինչ օրվա վերջ։
Նպատակը
- սովորողի ուշադրությունը բառի վրա սևեռել
- դրդել բառարանը բացել
- բառարանից օգտվելու կանոններին ծանոթանալ
- բառարանների տեսակներին ծանոթանալ
- ուշադիր լինել բառի, իր խոսքի, կողքինի խոսքի նկատմամբ
- բառարանից օգտվելու հմտություններ ձեռք բերել
Նախագծի ընթացքը
- դասավանդողը կազմում է նախագիծը, թեմաներն ու աշխատանքները և հրապարակում իր բլոգում
- սովորողները նախագծի հետ են ծանոթացնում
- նրանց հետ քննարկվում են նախագծի ենթակետերը
- միասին ընտրում, որոշում, թե ով որ թեմայի շուրջ է աշխատելու
- համացանցում թեմաներին համապատասխան նյութեր են փնտրում
- փնտրում-գտնում համապատասխան բառարանները, ուսումնասիրում
- իրենց, դասընկերների խոսքից դուրս են գրում առաջադրանքին համապատասխան բառեր
- ուսումնասիրում են հեղինակների, ստեղծագործությունների բառային ֆոնդը, դուրս գրում բառեր, բացատրում բառարաններով, գտնում հոմանիշ-հականիշները և այլն
- տարբեր տեսանյութեր, ձայնագրություններ, ուսումնասիրություններ, նյութեր են պատրաստում բառապաշարի տարբեր շերտերի վերաբերյալ
Թեմաները
- Բառարանների տեսակները
- Ինչ սկզբունքով են կազմվում բառարանները
- Ինչպես օգտվել բառարաններից
- Հայտնի բառարանագիրներ
- Ազգային, ժողովրդական, կոմիտասյան երգերի բառերի ուսումնասիրում
- Աշխարհի ամենահետաքրքիր և արտասովոր բառարանները (ամենամեծ և ամենափոքր բառարանները և այլն)
- Որևէ գրողի լեզվից կամ ստեղծագործությունից անծանոթ բառերի առանձնացում, դրանց ուսումնասիրում
- Առօրյա-խոսակցական լեզվից բառային միավորների առանձնացում, ուսումնասիրում
- Համացանցային լեզու
- Բառապաշարի շերտերի և դրանց լեզվական միավորների ուսումնասիրում
- Ինչ բառեր եմ օգտագործում ես, ընկերներս
- Օրվա ընթացքում իմ և ընկերներիս ամենագործածական բառերը
- Բառ, բառային և փոխաբերական իմաստներ, հոմանիշ-հականիշներ
Կրտսեր դպրոց
- ստեղծագործությունից դուրս բերել անծանոթ բառերը
- բացատրել այդ բառերի իմաստները
- գտնել այդ բառերի հոմանիշներն ու հականիշները
- բառակազմական վերլուծության ենթարկել բառերը
- արմատական բառարանի օգնությամբ բացատրել արմատները
- իրենց խոսքից դուրս գրել առավել գործածական բառերը և փոքրիկ հետազոտություն անել, թե որ բառը ինչ իմաստներով են օգտագործում
- իրենց և ընկերների խոսքից դուրս գրել օտարաբանությունները, գտնել դրանց համարժեքները հայերենում
- ծանոթանալ բառարանների տեսակներին
- բարբառային նյութեր պատրաստել (բարբառային հեքիաթների ընթերցում, բառերի բացատրություն, հարցազրույցներ բարբառախոսներից)
Միջին և ավագ դպրոց
- ընտրել հեղինակ և նրա ստեղծագործություններից դուրս գրել անծանոթ բառերը
- բացատրել այդ բառերի իմաստները
- գտնել այդ բառերի հոմանիշներն ու հականիշները
- բառակազմական վերլուծության ենթարկել բառերը
- արմատական բառարանի օգնությամբ բացատրել արմատները
- ծանոթանալ այդ հեղինակի լեզվին
- կազմել հեղինակային կամ ստեղծագործությունների բառարաններ (էպոսյան, թումանյանական, տերյանական և այլն)
- ծանոթանալ բառարանների տեսակների հետ
- պատրաստել տեսանյութ-ձայնագրություն-ուղեցույցներ, թե ինչպես պետք է օգտվել բառարաններից
- անսովոր, հետաքրքիր բառարանների մասին տեղեկություններ գտնել, նյութեր պատրաստել
- ծանոթանալ բառարանագիրների կյանքի, գործունեության հետ, հետաքրքիր նյութեր գտնել նրանց կյանքից (Աղայան, Ջահուկյան,․․․)
- ուսումնասիրել իրենց, տարեկիցների բառապաշարը (ինչ բառեր են օգտագործում)
- ուսումնասիրել համացանցի լեզուն
- ուսումնասիրել բառապաշարի շերտերը
- բարբառային նյութերի պատրաստում (բարբառային հեքիաթների ընթերցում, բառերի բացատրություն, հարցազրույցներ բարբառախոսներից
Օգտակար կայքեր, կայքէջեր
- nayiri.com (բառարանների պահոց)
- Բառարան
- Բառարանագրություն
- <<Արև>> հայ ժողովրդական հեքիաթներ
Ակնկալվող արդյունքներ (անհատական, խմբային, ընտանեկան, որոնք տարիքային բոլոր խմբերի համար նույնն են)
- բառարանների, բառարանների տեսակների մասին պատմող տեսանյութերի, ձայնագրությունների ստեղծում
- բառարանից օգտվելու հմտությունների տեսագրություններ, ձայնագրություններ (թե ինչպես են օգտվում բառարաններից)
- տարատեսակ բառարանների կազմում (հեղինակային, բարբառային, օտարալեզու, համացանցային և այլն)
- սեփական (ընկերների) խոսքի, բառ ու բանի հետաքրքիր ուսումնասիրություններ
- բառապաշարի տարբեր շերտերի ուսումնասիրություններ
- տարատեսակ հետաքրքիր նյութեր
Արդյունքներ
Նունե Մովսիսյան
Ելենա Սարգսյան
Մարինե Ամիրջանյան
Արևիկ Ներսիսյան՝ Բառարանային ֆլեշմոբ
Թամար Ղահրամանյան՝ բառարանային ֆլեշմոբ
Կարինե Պետրոսյան՝ Բառարանային ֆլեշմոբ
Երանուհի Խլղաթյան՝ «Մխիթար Սեբաստացու ծննդյան օրը՝ բառարանընթերցման ֆլեշմոբ»
Հայոց լեզու, գրականություն 