Սահմանական եղանակի ժամանակային ձևերն են․
- Անկատար ներկա-գրում եմ
- Անկատարյալ անցյալ-գրում էի
- Ապակատար ներկա-գրելու եմ
- Ապակատար անցյալ-գրելու էի
- Վաղակատար ներկա-գրել եմ
- Վաղակատար անցյալ- գրել էի
- Անցյալ կատարյալ-գրեցի
Անցյալ կատարյալը ցույց է տալիս խոսելու պահից առաջ ավարտված գործողություն։ Այն արտահայտում է մի անցյալ ժամանակակետում առանց որևէ տևականության կատարված, ավարտված գործողության իմաստ։
Անցյալ կատարյալի բայաձևերը կազմվում են բայի երկրորդ (կատարյալի) հիմքով ու դիմաթվային համապատասխան վերջավորություններով։
Անցյալ կատարյալ ժամանակաձևի բայերը պատասխանում են հետևյալ հարցերին․
- Ի՞նչ արեցի ի՞նչ արեցինք
- ի՞նչ արեցիր ի՞նչ արեցիք
- ի՞նչ արեց ի՞նչ արեցին
Առաջադրանքներ
1․Կազմի՛ր հետևյալ բայերի անցյալ կատարյալ ժամանակային ձևերը․
- գրել, կարդալ
- մոտենալ, ընթանալ, սառչել
- լցնել, խմեցնել, զգացնել, թռցնել
- թռչկոտել, մրոտել, կտրատել
2․ Կազմի՛ր անցյալ կատարյալի վերջավորությունների համակարգը։
3․ Գրի՛ր, թե որ բայերը որ համակարգով կազմեցին անցյալ կատարյալի ժամանակային ձևերը, գրի՛ր, թե ինչ փոփոխությունների ենթարկվեցին բայերը։
Հայոց լեզու, գրականություն 