Рубрика: 7-րդ դասարան

20.09.2019 (7-1, 7-3, 7-5, 7-7 դասարաններ)

SAM_19441. Ընթերցում ենք գրադարանում: Ներկայացնում կարդացած գրքերը:

2. Քննարկում և վերլուծում ենք Ամիրեջիբիի Հեծանիվը պատմվածքը:

3. Ծանոթացում ,,Հանդիպում-զրույց կոմպոզիտոր, երաժիշտ Տիգրան Մանսուրյանի հետ,, նախագծին: Նախապատրաստական աշխատանք:

Լրացուցիչ աշխատանք

  1. Սիրելի՛ յոթերորդցի, քանի որ վաղը սեպտեմբերի 21-ն է` Հայաստանի անկախության տոնը, հուսով եմ` օրդ հետաքրքիր որևէ վայրում ես անցկացնելու (բարձունք ես հաղթահարելու կամ մեկ այլ կերպ ես նշելու): Պատմի՛ր օրվադ մասին (նաև կարող ես տեսանյութ կամ ձայնագրություն պատրաստել), հրապարակի՛ր բլոգումդ, հղումն ինձ ուղարկի՛ր:
  2. Լրացրո՛ւ շաբաթվա ընթացքում չկատարած կամ մասամբ, թերի կատարած առաջադրանքները:
Рубрика: Նախագծեր, Արդյունքներ

Հանդիպում-զրույց կոմպոզիտոր- երաժիշտ Տիգրան Մանսուրյանի հետ

20190920_150906Սեպտեմբերի 20-ին կրթահամալիր էր այցելել երաժիշտ-կոմպոզիտոր Տիգրան Մանսուրյանը: Մաեստրոն շրջեց դպրոցներով, եղավ Հյուսիսի Artասահմանում, ուր հանդիպեց լրագրող-սովորողների հետ: Հանդիպումը շատ ջերմ էր: Ահա հանդիպման հակիրճ պատումը: Եվս մեկ նյութ պատրաստեցին Միջին դպրոցի սովորողներ Սեդա Մարգարյանը, Նանե ժամհարյանը և Սաթենիկ Մանուկյանը: Նյութը կարող եք դիտել այստեղ:

Ֆեյսբուքյան ուղիղ եթերը դիտե՛ք այստեղ:

Рубрика: Ճամփորդություններ, Նախագծեր, Արդյունքներ

Բարձունքի հաղթահարում. Սոլակի Մայրավանք (նախագծի ամփոփում)

Սեպտեմբերի 21-ին մի խումբ սեբաստացիներով բարձացանք Սոլակ գյուղի մոտ գտնվող բարձունքը (Կոտայքի մարզի Սոլակ գյուղից 3 կմ հյուսիս), որը շարունակվում էր, ձգվում-ձգվում, հասնում մինչև Մայրավանք: Մեքենան կանգնել է բարձունքի ներքևում: Բարձունքը շատ բարձր չէր, բայց դժվար էր բարձրանալը: Այնուհետև ճանապարհը տանում էր դեպի անտառ, դառնում շատ սիրուն կածան ու ձգվում-հասնում մինչ Մայրավանք: Սիրուն աշուն էր` պայծառ գույներով, մասուրի, ալոճի թփերով: Զրուցելով հասանք Մայրավանք, որը վերանորոգվում էր: Հանգստացանք, նախաճաշեցինք, սառը աղբյուր կար, ջուր խմեցինք:  Մտանք վանք, երգեցինք, ,, Ես իմ անուշ Հայաստանին,, բերանացի կարդացինք: Հետո անցանք տարածքի մաքրմանը: Ետդարձը պակաս դժվար չէր, բայց իջանք: Սիրուն օր էր:

Սովորողները 20-ն էին` 6-8-րդ դասարանցիներ: 7 կմ քայլել ենք, այդքան էլ` ետ եկել:

Դժվարություններց կնշեմ այն, որ սովորողներից մեկը ճանապարհին կորցրեց տեսախցիկը, ես և այդ սովորողը, համարյա վանք հասած, ետ ենք գնացել, գտել տեսախցիկը, նորից միացել խմբին, այսինքն` կրկնակի ենք քայլել:

Նախագծին ծանոթացեք այստեղ:

Մասնակիցների անդրադարձը

Լուիզա Եղիազարյան

Սամվել Նաջարյան

Անահիտ Վերմիշյան

Մարիամ Բարսեղյան